Според министерот, зголемувањето нема да се однесува само на основната плата, туку ќе ги опфати и останатите компоненти што ја сочинуваат вкупната заработка на вработените.
Мисајловски нагласи дека подобрувањето на финансиските услови за припадниците на Армијата и вработените во одбраната е резултат на континуираната соработка со синдикалните организации.
Тој посочи дека повеќепати ветил оти заедно со синдикатите ќе работи на создавање подобри услови за вработените, со цел одбраната да стане една од најдобрите институции во државата, особено во однос на примањата.
Министерот информираше и дека со новиот буџет се предвидени средства за потребите на одбранбениот сектор во наредната година, како и зголемување на вкупниот буџет.
Како што соопшти, предлог-буџетот веќе поминал на владина седница, а за одбраната во 2027 година се планирани дополнителни две милијарди денари.
Најавеното покачување на платите беше поздравено и од претставниците на репрезентативните синдикати во одбраната и на професионалните војници, Синиша Станчевски и Аднан Алити.
Тие изразија задоволство од договореното зголемување од 10 отсто, оценувајќи дека постигнатиот резултат е плод на социјалниот дијалог и соработката меѓу синдикатите и надлежните институции.
Со оваа мерка, од почетокот на следната година се предвидува подобрување на примањата на вработените во Армијата и одбраната, како дел од напорите за унапредување на нивниот материјален статус.