Иницијативата била разгледана на состанокот меѓу албанскиот министер за туризам, култура и спорт, Бленди Гонџа, и новоназначениот грчки амбасадор во Албанија, Ламбрини Комини.
Гонџа порача дека Албанија го поздравува предлогот на грчкото Министерство за култура и е подготвена да соработува со Македонија и Грција за продолжување и унапредување на постапката.
Според него, заедничката кандидатура не би значела само добивање статус на УНЕСКО, туку и можност за поголема меѓународна промоција на Преспа, зачувување на културното наследство, одржлив развој и унапредување на туризмот.
Преспа, која се протега на териториите на трите земји, претставува и заедничка одговорност и можност за прекугранична соработка.
Целта е регионот да се развива како европски модел за прекугранична соработка, каде што природата, културата и туризмот ќе придонесуваат за поврзување на трите земји и создавање нови можности за локалните заедници.