Тоа значи дека македонските граѓани што купуваат автомобил од автосалон во Германија или друга земја членка на ЕУ нема да можат целосно да платат во готово доколку цената надминува 10.000 евра. За ваквите купувања ќе треба да користат безготовински начин на плаќање, како банкарски трансфер.
Но, што ако автомобилот се купува од приватно лице?
Европскиот лимит не се однесува на трансакции меѓу две физички лица кои не дејствуваат професионално или деловно. Сепак, купувачите ќе мора да ги почитуваат националните правила на земјата во која се врши продажбата, бидејќи некои држави имаат построги ограничувања.
Регулативата предвидува и проверки на идентитетот при одредени готовински трансакции од најмалку 3.000 евра, но оваа обврска не важи автоматски за секое купување.
Важно е да се разликуваат и правилата за пренос на готовина преку граница. При влез или излез од ЕУ со 10.000 евра или повеќе во готовина, сумата мора да се пријави кај царинските органи.
Новите правила нема да важат директно за плаќањата во Македонија, но македонските граѓани ќе мора да ги почитуваат кога купуваат автомобили во земјите членки на ЕУ. Затоа, пред купувањето, важно е да проверат дали продавачот е приватно лице или професионален трговец и кои правила важат во конкретната држава.