Новата иницијатива, наречена „Logi Game Day“, им овозможува на вработените, вклучително и на практикантите, да изберат еден ден во кој ќе се посветат на играње видеоигри по сопствен избор. Слободниот ден можат да го искористат во периодот до ноември 2027 година.
Објавата доаѓа непосредно пред долгоочекуваното излегување на Grand Theft Auto VI (GTA 6), кое е најавено за 19 ноември 2026 година. Компанијата ќе организира и посебен настан во своето седиште во Сан Хозе, каде канцелариите ќе бидат претворени во простор за заедничко играње видеоигри.
Од Logitech велат дека целта е да се промени перцепцијата дека играњето видеоигри е губење време. Според извршната директорка Ханеке Фабер, искуствата од играњето можат да придонесат за подобри работни перформанси, поголема самодоверба и подобро справување со предизвиците.
Компанијата се повикува и на сопствено истражување во кое 81% од гејмерите сметаат дека играњето им помага да стекнат поголема самодоверба, да ја намалат анксиозноста и подобро да се справуваат со секојдневните предизвици.
Со оваа иницијатива Logitech сака да покаже дека одморот, забавата и работата не мора да бидат спротивставени, туку можат да се надополнуваат.