За разлика од дизелот, возачите на бензински автомобили ќе плаќаат помалку. ЕУРОСУПЕР БС-95 ќе се продава по 91 денар, а ЕУРОСУПЕР БС-98 по 93 денари за литар, што е намалување од два денари во однос на претходниот ценовник.
Иако промените изгледаат минимални, растот на цената на дизелот има многу пошироко влијание врз економијата. Ова гориво е основен енергенс за товарниот транспорт, јавниот превоз, земјоделската механизација и голем дел од стопанството, па секое негово поскапување постепено се одразува врз цените на производите и услугите.
Новата одлука на Регулаторната комисија за енергетика носи различни движења кај нафтените деривати. Покрај дизелот, екстра лесното масло за домаќинство поскапува за 0,50 денари и ќе чини 98,50 денари за литар, додека мазутот поевтинува за 1,680 денари и ќе се продава по 46,419 денари за килограм.
Од Регулаторната комисија посочуваат дека просечното намалување на цените на нафтените деривати изнесува 1,24 проценти, но различните корекции кај бензините и дизелот значат дека ефектот нема да биде еднаков за сите категории потрошувачи.
Извор: biznisvesti.mk