Некои избираат места над крилјата, бидејќи тој дел се смета за конструкциски најцврст дел од авионот, додека други предност му даваат на задниот дел од леталото, верувајќи дека е подалеку од местото на најсилниот удар. Сепак, експертите истакнуваат дека одговорот не е толку едноставен.
Секоја авионска несреќа има различно сценарио
Хелен Муир, поранешна директорка на Институтот за безбедност, ризик и доверливост при Универзитетот Кранфилд, објаснува дека не постојат две идентични авионски несреќи. Авионот може да удри со носот, опашката, крилото или централниот дел од трупот, а токму од тоа зависи кои делови од леталото ќе бидат најмногу загрозени.
На пример, ако авионот прво удри со предниот дел, седиштата во задниот дел можат да имаат предност. Меѓутоа, доколку пожар избие во задниот дел од авионот, ситуацијата е сосема поинаква. Поради тоа, речиси е невозможно однапред да се одреди кое седиште е апсолутно најбезбедно.
Најважно е колку сте блиску до излезот
Според мислењето на експертите, многу поважен фактор од тоа дали седите напред, во средината или назад е оддалеченоста од излезите за итни случаи.
„Во авионот не постои едно најбезбедно место, бидејќи би требало однапред да знаете на кој начин ќе дојде до несреќата“, објасни Муир за Би-Би-Си.
Таа додава дека лично избира седишта од кои има пристап до поголем број излези, но нагласува дека современите авиони се проектирани така што на патниците им обезбедуваат приближно еднакви шанси за преживување.
Во случај на евакуација, најважно е да се следат упатствата на екипажот и што е можно побрзо да се упатите кон најблискиот достапен излез.
На крајот, експертите низ шега често се согласуваат во едно – најбезбедното место за време на авионска несреќа е она што се наоѓа надвор од авионот, односно на аеродромот.