Најголем број проблеми биле пријавени во повеќе од 40 супермаркети на трговскиот синџир „Delhaize“ во Белгија и Луксембург. Напади биле пријавени и во продавници на „Carrefour“, „Spar“, „ICA“ и „Coop“.
Според информациите, хакерите далечински ги префрлиле системите за ладење во режим на одмрзнување, предизвикувајќи нагло зголемување на температурите.
Во Шведска, во една од погодените продавници замрзнувачите достигнале температура од дури 14 степени, по што целиот замрзнат и разладен асортиман бил уништен.
Техничките екипи работеле во текот на ноќта за да ги исклучат погодените системи од мрежата и да спречат понатамошни проблеми.
Ова не е прв ваков случај во Европа. Сличен сајбер напад беше регистриран и во Франција во октомври, кога стотици продавници биле погодени од нарушување на системите за ладење.