Претседателот на германското здружение на произведували на јајца Ханс Петер Голдник како причини за недостигот на јајца ги наведе птичјиот грип, падот на увозот и се поголемата популарноста на јајцата, пренесува порталот Мдр.
Според податоците на Федералниот информациски центар за земјоделие, побарувачката за јајца во последните години во Германија, постојано растела, и минатата година изнесувала 252 јајца по глава на жител, во споредба со 234 пред 4 години. Од вкупната побарувачка, само 70 отсто од јајцата се произведуваат во Германија,а поради птичјиот грип во минатата есен и зима во земјата беа умртвени неколку милиони живина.
Според индексот на потрошувачките цени, цената на јајцата во Германија се зголемила за 17 проценти во последните 2 години, а најниската цена изнесува 2,49 евра за пакување од 10 јајца, кое долго време чинеше под 2 евра, пренесува „Танјуг“.
Извор: vecer.press